Літаратурная казка як жанр і яе методыка вывучэння ў пачатковай школе.

УВОДЗІНЫ


Галоўная мэта школьнага навучання – фарміраванне асобы вучня. Чытанне як вучэбны прадмет мае ў сваім распараджэнні такі моцны сродак уздзеяння на асобу, як казка. Яна нясе ў сабе вялікі развіваючы і выхаваўчы патэнцыял: далучае дзіця да маральнага вопыту чалавецтва, развівае яго мысленне. Чым глыбей і паўней успрынята чытачом тая ці іншая казка, тым большае ўздзеянне на асобу яна аказвае. Таму ў якасці вядучых задач навучання чытанню, праграма вылучае задачу навучання ўспрыманню мастацкага твора.
Вывучэнне эпасу ў школе пачынаецца з казак. Гэта мэтазгодна, маючы на ўвазе вучэбна-выхаваўчыя задачы, якія рашае настаўнік на ўроках літаратурнага чытання.
Казкі адпавядаюць імкненню дзяцей да гераічнага, да ўсяго яркага і незвычайнага, іх здольнасці здзіўляцца, перабольшваць, фантазіраваць.
Казачныя сітуацыі і канфлікты не толькі даступныя і зразумелыя дзецям, яны глыбока закранаюць іх пачуцці. У казках станоўчы герой трапляе ў вельмі складаныя сітуацыі, на яго шляху шмат перашкод і выпрабаванняў, але ён іх адольвае. У казцы зло караецца, справядлівасць аднаўляецца. Усім сваім паэтычным ладам казка вучыць дзяцей спасцігаць народнае ўяўленне пра добрае і злое; высокае, сумленнае і агіднае, нізкае; гуманнае і жорсткае. Пры гэтым у казцы гэта паказана “буйным” планам.

ЗАКЛЮЧЭННЕ


Мастацкая літаратура з’яўляецца адным з важнейшых сродкаў усебаковага і гарманічнага развіцця асобы. Немалаважную ролю ў гэтым адыгрывае вывучэнне літаратурных казак у пачатковай школе. Менавіта пытанню методыкі вывучэння літаратурнай казкі ў пачатковай школе была прысвечана мая курсавая работа.
У першай тэарэтычнай главе сваёй работы я правяла кароткі экскурс па шляху развіцця беларускай літаратурнай казкі: ад апрацоўкі народных першакрыніц і канчаючы літаратурнай казкай з уласна аўтарскім сюжэтам. Разгледзела працэс узнікнення сусветнай літаратурнай казкі, звярнулася да творчай дзейнасці казачнікаў з сусветным імем і таленавітых прадстаўнікоў беларускай літаратуры для дзяцей, раскрыла пытанне літаратурнай казкі як жанру, яе асаблівасці і разнавіднасцяў: вершаваная казка, аповесць-казка, раман-казка, п\'еса-казка.