Праблематыка и жанрава-стылёвыя асабливасци раманау К.Чорнага ;Пошуки будучыни и Млечны шлях

Праходзяць гады, і ўсё выразней мы разумеем значэнне асобы Кузьмы Чорнага (Мікалая Карлавіча Раманоўскага) і яго творчасці ў гісторыі нашай літаратуры. Сваімі творамі пісьменнік закладваў традыцыі чалавеказнаўства,паэтызацыі роднай зямлі, глыбокага філасафізму. Сёння ён бачыцца творцам сапраўды еўрапейскага ўзроўню. ХХ стагодде ў беларускай нацыянальнай прозе было, можна сказаць, эпохай Чорнага-празаіка – асобы магутнай і велічнай.
Раманы К. Чорнага і сёння гучаць надзённа, абуджаюць нянавісць да фашыстаў, чые злачынствы часта непакояць чалавецтва. Сваім пафасам творы пісьменніка скіраваны супраць пропаведзі імперыялістычнай ідэалогіі чалавеканенавісніцтва і разбою, што з’яўляецца актуальным і ў наш час.
Асобныя аспекты творчасці К. Чорнага адлюстраваліся ў працах вядомых літаратуразнаўцаў, навукоўцаў (А. Бельскі, Т. Мушынская і інш.). Так, у часопісах “Роднае слова” час ад часу друкуюцца разнастайныя артыкулы пра асобу аўтара, яго жыццёвы і творчы шлях. Даследаваннем займаліся Я. Казека, М. Мішчанчук, Л. Пяткевіч, М. Абабурка, В. Азарка, У. Дзянісаў і інш.
Аб’ект даследавання курсавой работы – творчасць К. Чорнага.
Прадмет даследавання – асаблівасці раманаў К. Чорнага “Пошукі будучыні” і “Млечны шлях”.
Мэта курсавой работы – акрэсліць праблематыку і жанрава-стылёвыя асаблівасці раманаў К. Чорнага “Пошукі будучыні” і “Млечны шлях”.
Дадзеная мэта была рэалізавана дзякуючы пастаўленым задачам:
• азнаёміцца з літаратурай на зададзеную тэматыку;
• прасачыць развіццё беларускага рамана ад вытокаў да сучаснасці;
• засяродзіць увагу на раманах К. Чорнага, іх адметнасцях, асаблівасцях светабачання пісьменніка;
• вызначыць праблематыку раманаў “Пошукі будучыні” і “Млечны шлях”, іх жанрава-стылёвыя асаблівасці.

У дадзенай курсавой рабоце было разгледжана развіццё беларускай раманістыкі, вызначана роля К. Чорнага ў гэтым складаным працэсе; асаблівая ўвага звернута на праблематыку і жанрава-стылёвыя асаблівасці раманаў “Пошукі будучыні” і “Млечны шлях”, вызначаны асаблівасці светабачання пісьменніка ў вышэйназваных творах.
Варта сказаць, што К. Чорны – выдатны раманіст, у яго творах сапраўды адлюстравана сама гісторыя абнаўлення жыцця нацыі, супярэчлівыя працэсы, якія адбываліся ў свядомасці і псіхалогіі беларусаў. Фактычна ў кожным творы адкрываецца новы пласт нацыянальнага быцця, па-мастацку дасканала выяўляюцца нацыянальныя характары.
Праз фарміраванне поглядаў сваіх герояў, эвалюцыю мыслення, праз іерархію іх жыццёвых каштоўнасцей Кузьма Чорны прадэманстраваў абставіны лёсу цэлых пакаленняў, па вялікім рахунку — змены эпахальнага маштабу ў жыцці беларускага народа.
Аўтар пазбег у сваіх творах прыземленага бытавізму і эмпірычнага апісальніцтва. Ён па-мастацку аналітычна і па-філасофску ўзважана паставіўся да гістарычных праблем, з вялікай маральнай адказнасцю падышоў да фактаў.
Апавядальнае майстэрства пісьменніка, увага да жывога гутарковага маўлення беларусаў, з яго адмысловай фразеалогіяй, каларытнай метафорыкай і яркай экспрэсіяй, неаднаразова адзначаліся даследчыкамі творчасці мастака.
Вайна да канца раскрыла галоўнае ў людзях, у іх узаемаадносінах. К. Чорны бачыў, што чалавечыя якасці, маральныя асновы жыцця людзей працы, якія ён натхнёна паэтызаваў у даваенных творах, у вайну выявілі сваю сілу і ўстойлівасць.
Больш за ўсё пісьменніка цікавяць праблема будучыні, перспектывы развіцця чалавецтва ў варунках трывожнага XX стагоддзя.
Адна з цэнтральных праблем рамана — праблема бацькоў і дзяцей, узаемаадносінаў пакаленняў. Раскрываецца яна ў маштабна-філасофскім плане. Кузьму Чорнага ў меншай ступені цікавяць побытавыя ўзаемаадносіны ў сям'і, а ў большай — канчатковы вынік гэтых узаемаадносінаў.
Стылёвая адзнака сацыяльна-філасофскага рамана “Пошукі...